【中環】日法米芝蓮二星體驗 Arbor

周年紀念，今次選擇了米芝蓮二星餐廳 Arbor。位於中環的 H Queens，本來 target Gallery 的商廈變了中環的食廈，之前食過樓下的 LPM 和 Pazzi Isshokenmei

近年日本食材，法式料理，甚至南美料理方式成為潮流，要 fucion 得好一點都唔簡單。 

Arbor 的主廚 Eric Raty 來自芬蘭，出身自當地二星餐廳 Chez Dominique 次後到過德國三星 Aqua，2014 來到香港在 Upper House 的 Cafe Gray Deluxe 工作。Arbor 於 2018 年開業，2019年已經擇得一星，2020年二星。而 Cafe Gray Deluxe 已經終2021 年結業，重新開為地中海菜餐廳 Salisterra，上年9 月試過無論食物同環境都相當唔錯。 

高樓底，採光充足，北歐簡約設計，柔和的粉紅色牆身圓形拱門配合返 Arbor。 

午市餐牌分為 chef’s tasting menu 4 道菜 $888 同 8 道菜 $1,288 的 omakase，選擇了4 道菜的 menu，應該岩岩轉左新 menu 同網上睇到之前既餐牌唔一樣 

Seaweed Brioche 

首先上場的是法國牛油軟飽 Brioche，加入了紫菜，另外配上麵豉醬牛油，包身香軟，牛油有濃郁的麵豉醬味 

點了一杯香檳 Jacquesson Champagne Extra Brut

金黃色，有 Lemon，lime，citrus，peach 的香氣，麵包，餅乾，bread dough 等的酵母味道，高酸，Sharp and crisp，refreshing 得來又有質素的香檳 

Amuse bouche 

前菜的撻底層有新薯，魚子加上鵪鶉蛋 

Oyster 

頭盤已經唔簡單，惠比壽生蠔日本素麵，加上海葡萄，海帶，柚子醋啫喱，面頭有柚子皮，惠比壽生蠔鮮甜，海葡萄的咸味和柚子醋啫喱的酸味清爽得來好複雜，餘韻悠長 

Scallop 

北海道新鮮帶子，帶子 Mouse，粟米蓉，帶子mouses, 面頭加了一片辣椒牛油，粟米蓉開頭鮮甜，混合左辣椒牛油有少少麻辣，只是帶子有點熟 

主菜 

鹿兒島A4 黑毛和牛 tenderloin 另加 $320 , 和牛入口即溶，Garvey 牛肉汁加上capers， 配菜番薯蓉加左柚子醋, 食起上來清新，少少柚子皮苦味 

另一道特色主菜乳鴿，首先鴿胸加上日本舞菇，沖繩黑糖焦糖化洋蔥和黑菇，鴿髀加上雞皮脆片。 

甜品有台灣愛民芒，熱情果底加西米， 熱情果芒果 sorbets, 椰絲，白朱古力 

好sharp 好 refreshing 

最後的Madeline 也烈簡單 有黑糖，薑，檸檬皮 

總括來說用餐感覺幾好，好輕鬆，用 $888 就食到米芝蓮二星既體驗，第一次試日法北歐混合菜式，日本食材來自天南地北，，由北海道去到鹿兒島，甜品去埋台灣，醬料比起日本料理較為濃郁，每一道菜味道非常複雜，有一種去左日本又唔係日本既感覺。